江美仪重提离婚情绪崩溃 老公是吴君如胞弟

江美仪于2018年宣布和吴君如胞弟吴君祥分手两年，后被踢爆原来一直瞒婚，二人早于2006年在美国西雅图秘密注册，其实是搞离婚。江美仪和林盛斌为无线J2节目《Mean Talk》做主持，想不到江美仪会被嘉宾之一的豹哥单立文整喊，重提当年失婚后一力承担，情绪崩溃，首度在镜头前痛哭。

豹哥捉住江美仪只手，皱着眉头讲到眼湿湿：我哋真系好关心你，但又唔敢去骚扰你，惊会触动你好多情绪，但又惊你顶唔顺，我觉得你自己承受好多嘢，唔会同我哋讲。我觉得你点解咁傻，孭起咁多嘢呢？同我哋讲吖嘛！又唔系唔熟！你知唔知啫？另一嘉宾滕丽名亦有拍膊安慰。

单立文真情流露的开解，令江美仪十分感动，忍不住落泪，边讲边喊：我冇嘢㗎喇而家，我都唔知可以同边个讲吖嘛。有时两个人相处，去到要离婚，未必系一件事发生咗，可能系一路积累，积累到觉得，我慨人生系咪应该继续落去。两个人倾完之后觉得，可能分开仲好啲，所以最后就分开。其实你哋知时，已经好后，呢件事其实发生咗好耐。

她直言连经理人都觉得她不懂释放情绪，她续说：佢话我唔识release（释放），样样嘢自己去吞晒，唔好见我咁tough（坚强），我都有人虾，我情愿自己就算，其实表面好似好开心，但我唔系真系咁开心。江美仪直言疫情期间工作量减少，一度胡思乱想，幸最近工作量回升，让她有个寄托。

节目后，四人接受《东张西望》访问，豹哥表示做朋友应该要互相扶持，问到是否有计划攻陷江美仪？他认真地说：我对灯火发誓，我单立文之前冇谂过呢啲嘢。江美仪笑说：我知佢冇，因为佢冇咁好戏！滕丽名加把口：系呀，渠个脑冇转得咁快。缓和忧愁气氛。