馮盈盈男友是誰？被要求低調戀情力挽人氣

備受無線力捧的馮盈盈，原本事業愛情兩得意，出道不久已在臺慶頒獎禮奪飛躍進步女藝員獎，事業走勢凌厲，更有個十優醫生男友羨煞旁人，不過自去年宣佈同醫生男友Martin分手，被踢爆暗撻大隻奀星主播鄭衍峰，馮盈盈連女神光芒扯走埋，日日戀愛大過天，負評不斷埋身，被指黐富二代同江嘉敏反目，近期更被網民狠批演技大倒退，形象人氣雙線下滑，日前無線高層急召馮盈盈照肺，要她低調戀情力挽人氣！

現年26歲的16年港姐冠軍馮盈盈，出道即被無線力捧，原本事業一片光明，不過今年四月馮盈盈被爆早於去年撻著大隻主播鄭衍峰（Leonard），更有指她瞞著醫生男友在加拿大劈腿而導致分手，負面新聞一大籮，不過馮盈盈未有避忌，為愛更完全豁出去，同大隻仔愈愛愈高調，攞正牌在《後生仔傾嚇偈》節目高調放閃，可惜戀情唔討好，人氣不升反跌。據知情者透露：雖然以前Fyy都成日將寶寶（前醫生男友Martin）掛喺嘴邊，但觀眾覺得渠夠率性，反而好鐘意渠，唔似依家死口唔認拍拖但又成日同大隻仔喺節目耍花槍，冇晒自己Character ，本身大隻仔外形唔討好，知名度又低，觀眾緣欠奉，搞到Fyy連人氣都拖低晒！

自從被爆撻著大隻仔鄭衍峰，戀愛大過天的馮盈盈連事業心都冇埋，每日開工心急想快些收工，寧願趕返屋企會情郎，搞到畀高層照肺，叫她低調戀情專心工作。

由馮盈盈引薦加入《後生仔傾嚇偈》節目的鄭衍峰，有女友射住近期幾乎成為節目臺柱，更攞正牌在節目冧女神。

雖然未有親口承認戀情，不過馮盈盈同鄭衍峰就經常人前高調晒愛，戀情一早浮上面，日前馮盈盈應活動邀請同徐濠縈、何雁詩、鄭俊弘等去行山，亦不避嫌帶埋鄭衍峰實行買一送一。

日前一集《後生仔傾嚇偈》，馮盈盈同鄭衍峰繼續高調晒恩愛，被網民問及眾主持有邊個有另一半？時，馮盈盈、鄭衍峰更一齊舉手，完全一副想公開戀情姿態！

被網民追問除了是好朋友及好拍檔之外，還有什麼關係，馮盈盈更冧爆話同鄭衍峰是前輩、後輩關係，又話兩人同年加入無線，畀其他主持笑渠哋有緣，馮盈盈照單全收。

早前熱播的《反黑路人甲》，馮盈盈被網民狠批演技大倒退，近日趕拍《智慧愛（AI）人》的她，經常掛住玩電話。同無線尚有多年合約的她，日前便被高層急召照肺。據知情者透露：無線咁辛苦捧Fyy上位，當然唔想睇住渠衰，講到尾，都系希望渠專心工作，希望渠識得權衡輕重，重新出發啦！不過馮盈盈能否開竅，真系睇佢造化嘞！

同大隻仔戀情浮面後，馮盈盈就連演技亦被網民彈大倒退，在《反黑路人甲》擔正女主角的她，演技比高海寧、湯怡搶晒鏡，同無線尚有多年合約，高層唔緊張就假！

人氣大不如前的亦卻步，重頭劇馮盈盈，不少監製《白色強人II》亦未落實有她演出。

同十優醫生男友Martin（寶寶）熱戀期間，馮盈盈開口埋口都提男友寶寶，甚至帶埋男友出席《後生仔傾嚇偈》的慶功，就連觀眾對她同寶寶戀情亦較受落！

被指去年到加拿大拍攝《後生仔傾嚇偈》時與鄭衍峰火速撻著，搞到同醫生男友Martin分手收場，不過馮盈盈亦未有刻意避忌，反而同鄭衍峰愈愛愈痴纏！